قمرقي …~ في عيد الزمآن

قــــمرقي … !! ~ هكذآ في عيد زمان أول سألتوآ أهاليكم عن عيد زمان اول .. كيف كآن ؟؟ تحسوون أنه أفضل من الحينآت ؟؟؟ اي والله افضل سألت أبوي كيف كآن زمان أول ،، كآن للعيد الأضحى أو الفطر عندهم ثلآث أعياد اول يوم عيد هو عيد العيال .. وثاني يوم كان عيد البنات .. وثالث يوم كان عيد للكبآر .. أول يوم عيد عيال يقومون يحوومون على البيوت الناس يمرون على بيت بيت ويطلبون عيدتهم .. أول مايضربون ابواب الناس يغنون ويقولون : نبي عيدنا عادت عليكم في حال زين نمشي حمير ولا نوقفه ؟ ” إن قالوا اهل البيت للعيال ” مشوه .. يردون العيال ويقولون : جعل الفقر يدخل عليكم ويكسر ايدكم ورجليكم وغداكم شطفآره ” يعني شيء مو زين “ وان قالوا وقفوه قالوا العيال : مايدخل عليكم الفقر ولا يكسر ايدكم ورجليكم ودامكم دهنه ثاني يوم عيد .. للبنات فيقومون البنات يحومون على البيت يطلبون عيدتهم .. ومن ضمنهم امي الصغيره مابعد تزوجت،، تقول ان العيال في عيدهم يطيشون ويجتمعون على البنت الضعيفه ويقولون ” قمرقي ” يعني ” عطيني عيدتك كلها ” أو بيضبرونك شر الضرب ..   أمي حليوه وطيبه و على نياتها خايفه منهم ..   تقول انهم شياطين يخوفون .. وينفصون عيونهم عليك .. إذا ماعطيتهم قطعوا شنطتها اللي فيها الحلآو او يدزونك على الأرض .. وينحاشون ويطاردون كل بنت بنت ..لأنهم ماحصلوا بيوم عيدهم أي حلآو .. فيسيطرون على الحلآو في عيد البنات فكآن ابوي مع ضمن العيال اللي خوفوآ امي  .. ويوم شاف ان العيال خذوا من امي حلآو رجع لها وعطآها من حلآو اللي معه   يعني شوفوا الرومنسيه من يوم كآنوآ صغار .. كان ابوي حاط عينه على امي من يومه صغير.. .. اما الحين .. مافي لا قمرقي ولا حتى عطونا عيدنا .. ولآشيء ..   وكأن يوم العيد كأي يوم عادي جداً مافي إختلآفات أبداً …