~ المجتمع عالصآمت

المجتمع صآر على الصامت !! ..ياإلهي ..

من أمور المزعجه الي نشوفها هذا السنه .. إننآ على الصامت
لا نتكلم
..
بل ندردش في البلاك بيري .. أو أيباد ..أو نوتآ .. او الجآلكسي .. او
في الأيفون ..
وهذا الشي يبط الكبد فعلاً ..
يجيب المرض لراس !!

أراجع عند مستوصف ألاقي بنت معاها ايباد جالسه تدردش ..
تفتح شنطتها
تفتح جوالها الثاني وترجع تحطه بالشنطه
يعني شوفي وش معي
( ترآ مو بس
أنتي معك ،، حنآ كمآن معنآ ..)
ترجع ووتطلع ايفون تشوف فيس بوك او توتير

وترجع تحطه في شنطته وترجع تمسك بالايباد تشوف لها حلقه من مسلسلات
ماشافتها قبل
تستغل وقتها بالمشاهده على مايجي دورها
أو ,, تتابع
الفيس بوك او تويتر .. أو تطلع على رسائلها اللي ماقرتها من زمن !!

ياساتر بس

أروح اتسوق اشوف بنت تمشي ورافعه البلاك بيري .. تدردش ..
انتي تتسوقي
ولا تدردشي !!
لايكون تآخذي رأي اللي تدردشين معه في نوع الفستآن !!!

أروح للإجتماعات .. اشوف كثير بنات .. تفتح شنطتها تطلع بلاك بيري تشوف
برودكسات
ترجع تحطه تطلع أيفون وتلعب .. تطرد الطفش والقلق
وتسـأل
راعية البيت
بالله كم رقم سري حقكم !!!

أروح للمسجد الاقي بنات لمن تخلص الصلاة تفتح شنطتها تكتب وتضحك وترجع
تصلي

مافي صوت ابداً
الايدين تشتغل وتتعب .. وهي ماتكتب ..
يالله ..

حتى الأطفال .. نشوفه بالزاويه صاك على نفسه وجالس يلعب ..
أو في
إستراحه
اشوف بنت تصرخ .. يمممممممممممه .. قولي لهم يشغلون النت …
ماعاد اقدر احمل لعبه في ايبودي !!!!

بالله في إستراحه بيشغلون لك نت !!!

حتى الشغالات ماسلموا من هالعاده ..
تجلس بالمطبخ تفتح جوالها بنص
تقطيع الطماط .. وتكتب رساله وترجع تقطع ..!!!

وش هالزمن !!
وش هالعاده !!

كل وقتنا بالله ماسكين الاجهزه .. لا إستغفار .. لا قرأة القرآن .. لا
تركيز بالصلاة ..

الدردشه بالجوالات لها وقتها !! مو كل وقت دردشه ..ولعب !!

اشوف بعض الخوات وهم جالسين في نفس البيت ترسل لإختها اللي بالغرفه
رساله تقول فيها …
امي تبغاك !!!

وين صوتك !!! اختفى !!!

لو ماكنتي تتكلمين .. كنتي عرفتي معنى حلآوة الصوت !!
لكن .. وش نقول
!!

اجل شكل الدراسه والشرح كله في اجهزه
ماراح يكون في كتابه على سبوره
ولا حتى مطالب

فقط وجود جثث معنا في نفس المكان
لكن العقل مو معنا

نعم .. هكذآ سنعيش ..